Nabigazio animatua - Itzali
Nabigazio animatua - Itzali

  • 1. Parte hartzea, diskurtso amankomuna erakitzen

    • 0. Hasiera

      Ongi etorri lehenengo modulura! Honakoa da modulu honetarako proposatzen dugun denboralizazioa eta beharrezkoa izango duzuen materiala. Guztira, 2 ordu inguru beharko dituzue moduluko atal guztiak egiteko.

      Infografia
    • Fitxategia ikonoa
      Módulo 1 - Participación para la construcción de un discurso común ES PDF

    • 1. Hausnartu

      Irakurri ondorengo irakurgaia gaiaz gehiago jakiteko.
    • Fitxategia ikonoa
      Parte-hartzetik ekintza komunitariora PDF

    • 2. Elkarbanatu

      LEHEN OROITZAPEN PARTE HARTZAILEA

      Bakoitzak 5 minutu hartuko ditugu, gure bizitzan atzeraka joateko eta gure lehen oroitzapen parte hartzailea identifikatzeko. Parte hartze hau nolakoa izan zen, zer suposatu zuen guretzat eta zein adinekin izan zen kontatuko diegu lan taldeko gainontzeko kideei.

      Dinamika honen bidez, gure parte hartze bizipenak errebisatu eta, parte hartzearen inguruko diskurtso partekatua osatzen hasiko gara. Txikitan esperientzia parte hartzaile bizigarriak izateak duen garrantzia azpimarratuz eta, gutako bakoitzak parte hartzea zein emozio edo sentimendurekin lotzen duen identifikatuz.

    • 3. Ekin

      ADOS / EZ ADOS

      Zutik jarrita, ondorengo esaldiak altuan irakurriko ditu taldeko kide batek. Gelaren erdian marra bat jarrita, marraren alde batera geratzen den eremua “ados” izango da, eta bertan jarriko gara irakurritako esaldiarekin ados bagaude. Esaldiarekin ados ez bagaude, beste aldean jarriko gara “ez ados” eremuan. Zalantzak baditugu, marraren inguruan geratuko garal. Behin denok gure tokia hartuta, eztabaidarako tartea irekiko da partaideen artean.

      • Haurrei zer nahi duten galdetzea parte hartzea da

      • Haurren parte hartzea eskubide bat da

      • Haurrekin parte hartzea sustatzeko, eskatzen dutena eman behar zaie

      • Parte hartzeak inplikazioa eskatu behar du

      • Parte hartzeak indibiduala izan behar du baina kolektiboan eragin behar du

      • Zer egiten dugun baino askoz garrantzitsuagoa da nola egiten dugun

    • 4. Erabaki

      Gure herriko haurrak parte hartzean hezteko diseinatu nahi dugun egitasmo/egituraren filosofia/misioa/begirada adostuko dugu beheko galdera hauei erantzunez. Talde txikitan jartzea lagungarria izan daiteke, eta ondoren erantzunak komunean jarri. Erabakiak 1 txantiloia erabili dezakezu prozesuan zehar hartutako erabakiak bertan idazten joateko eta hurrengo saioetan eskura izateko.

      • Zertarako nahi dugu gure herriko haurrak parte hartzean heztea?
      • Zer eskainiko dio haurren parte hartzeak gure herriari?
      • Zein izango da parte hartze kanal iraunkorraren helburua?

    • Fitxategia ikonoa
      Erabakiak 1 PDF