Topalekuak,
besteak beste, adin, genero, arraza nahiz egoera
sozio-ekonomiko-kultural ezberdinetako herritarrak elkartzeko lekuak
edota harremanetarako espazio gisa ulertzen ditugu. Besteekin erraz
topatzeko eta elkartzeko aukera eman nahi dio herritarrari herri
hezitzaileak, adibide bat jartzeko, umeen jolaslekuetan egoten diren
helduentzako eserlekuak topaleku bihur daitezke elkarri begira
jartzeko aukera ematen duten azpiegiturak jarriz (pickinkeko mahaiak,
esaterako).
Kaleei
dagokionez, maiz, soilik alde batetik bestera mugitzeko diren ustea
barneratua daukagu, baina harremantzeko, saretzeko eta
elkarbizitzarako leku ere badira, edo izan beharko lukete, eta,
beraz, kaleetan, eta oro har espazio publikoan, egoteko eta loturak
egiteko aukerak sortzea beharrezkoa da komunitatearen berregituratze
horretan, elkarbizitza eman dadin.
