Aurkezpena
Hezkuntza
eta hirigintza, lehen begirada batean elkarrengandik urrun egon
daitezkeen bi lan arlo, bi egiteko modu ezberdin badira ere, elkartu
eta elkarrekin herriak antolatzeko proposamen bat osatu dugu. Hiritik
At kooperatibarekin elkarlanean, gure herriak gertutasunetik,
egunerokotasunetik eta haurtzaroak ematen digun txikitasunaren neurri
politikotik birpentsatzeko proposamena.
Oinherritik
argi daukagu “herria badela hezkuntzarako eduki, testuinguru eta
eragile” (Trilla 1990). Herria diogunean, ordea, herriaren alde
bigunaz zein gogorraz ari gara. Hots, herri batean ematen diren
harremanez eta artikulatzen den sare sozialaz, eta espazioa
antolatzeko moduaz. Biak elkar lotuta daude eta elkar baldintzatzen
dira.
Hiritik
At kooperatibak lurraldea antolatzeko proposatzen dituzten 5
dimentsioak, Oinherrik herri hezitzailearen filofosia egituratzen
duen 7 giltzarriekin nahastea eta elkar aberastea izan da lankidetza
honen helburu nagusia. Arreta berezia jarri dugu egiteko moduetan eta
hirigintza hezitzaileagoa, praktikatik, ekintzatik, nola garatu
dezakegun definitu dugu.
Behetik
gora eraiki nahi dugu hirigintza eredu berri hau, udaletatik
abiatuz. Horretarako, sortu dugu
ikastaro digital ireki hau. Herri bizigarriagoak sustatzeko
hirigintza eredu parte-hartzaile baterako gakoak bildu ditugu bertan.
Era berean, herriak haurtzaroaren garapenean oinarrizkoak diren lau
beharretatik (jolasa, autonomia, natura eta topalekuak) eraldatzeko
proposamen inspiragarriak ere gehitu ditugu.
Irakurri ondorengo argibideak ikastaroaren nondik norakoak ezagutzeko.
